Шынайы көрінетін жәндіктердің портреті үшін табиғи материал мен қолы алтын шебер ғана керек.
Таңдай қақтырар жәндік скульптураларын жасап шығу үшін еш жасандылық қажет емес.
Шынайы көрінетін жәндіктердің портреті үшін табиғи материал мен қолы алтын шебер ғана керек.
Таңдай қақтырар жәндік скульптураларын жасап шығу үшін еш жасандылық қажет емес.
Тропикалық өсімдіктер Канададағы Монреальдің солтүстік ендігінде көп емес. Бұл жерде әлемдегі ерекше жануарлары мен жәндіктерін де кездестіре бермейсіз. Бұған қарамастан жергілікті артист әрі фотограф Раку Иноэ бұл олқылықтың орнын толтырып, қолдан жасалған жәндіктер мен жан-жануардың түрлі-түсті портреттерімен көпшілікті таңғалдыруда.
«Құрт-құмырсқа мен үшін ерекше символикалық мәнге ие», – дейді Жапонияда өскен Иноэ. Жаз сайын шешесінің Хиросима маңындағы елдімекендегі үйінің есігін ашық ұстайтын әдеті болыпты. Осылайша үйге ауамен бірге инеліктер де көптеп кіретін. Шешесі бұл жәндікпен бірге үйге марқұм күйеуінің рухы да қонаққа келетініне кәміл сенген екен.
Бүгінде Иноэ осы инелікті, қоңыз бен құмырсқаның түр-түрін ауласындағы бар биоматериалды пайдаланып жасай береді. Ол алысқа бармай-ақ, бағбандарға қажеті жоқ раушан гүлінің күлтесі мен аққаңбақ секілді өсімдіктерді кәдеге жарата береді. Американың оңтүстік-батысына жасаған таяудағы сапары барысында ол шаянды қатты көргісі келгенімен жолы болмады. Сонда ол бұтақ пен дән жинап, скорпионды өз қолымен-ақ жасап шыққан.
Авторы: Дэниел Стоун
