Қазақ жерінде әнге арқау, жыр-термеге тақырып болған өзен-көлдер баршылық. Соның ішінде Еділ мен Жайық жайындағы ертегі, эпостық жырлар халық арасында кең тараған. Себебі, Еділ-Жайық – қазақ үшін әсемдік пен молшылықтың бесігіндей.

Жайық өзені көршілес Ресейден басталып, басым бөлігі Қазақстан арқылы ағып өтеді. Бастауын Орал тауларынан алатын өзен Каспий теңізінің Атырау қаласы орналасқан бөлігіне келіп құяды. Негізінен қар суымен (80%) толығады. Батыс Қазақстан облысы аумағын осы өзен суландырады.

Өзеннен бекіре, шоқыр, майшабақ, көксерке, Каспий қаракөзі, табан балық, сазан мен жайын ауланады.

Жайықтың жалпы ұзындығы 2428 шақырымды құраса, Қазақстан аумағындағы ұзындығы – 1082 шақырым.

Фото: Ерболат Шадрахов