Туғаннан бет-жүзі өзгелерге ұқсамайтын 13 жастағы Берік Сыздықов Қазақстанның солтүстік-шығысындағы бұрынғы Семей ядролық сынақ аймағында тұрады. 1949-1989 жылдар аралығында мұнда 500-ге жуық атом қаруы сыналған. Кезінде Ресейге үстемдік еткен жауынгер түркі тайпаларының ұрпағы болып табылатын қазақтар жетпіс жылға созылған Кеңес Одағы билігінен шыққаннан соң өз Тәуелсіздігін жариялап, мол қазыналы табиғи ресурстарын игеруді өз қолына алды.

Қазақстанның жаһандық ядроға қарсы қозғалыстағы айрықша рөлі мақалада ерекеше атап көрсетілген. 2016 жылы АҚШ астанасы Вашингтонда өткен ядролық қауіпсіздік жөніндегі төртінші саммит шеңберінде ҚР Президенті Н.Назарбаев «Әлем. ХХІ ғасыр» манифесін жария етіп, Қазақстанның ядролық қару түрлеріне түбегейлі қарсы екенін паш етті. 2001 жылдың 29 тамыз күні Семей қаласында «Өлімнен де күшті» монументі тұрғызылды. Ол ядролық полигонның 500 мыңға жуық құрбанына арналған.