Торғай атырабындағы геоглифтерді зерттеуге арналған экспедиция барысында сол маңдағы Ағаштыкөл ауылының тұрғындары бізге беймәлім алып жануардың сүйегін көрсетті. Экспедиция мүшелерінде арнайы құралдардың болмағандықтан ол сүйектің нақты қай дәуірге және қай жануарға тиесілі екенін анықтауға мүмкіндік болмады. Алайда кейбір археолог-ғалымдар әлгі сүйектің мамонттікі болуы мүмкін екенін болжауда.

Сүйектің түр сипаты, көлеміне қарап, алып жануардың жауырыны деп айтуға негіз бар. Ағаштыкөл тұрғыны Ерлан есімді азаматтың айтуынша, ол сүйек осыдан 20 жыл бұрын Торғай өзені кенеттен тартылған шақта табылған. Қазіргі уақытта салмағы 13 киллограм болатын алып сүйек сол ауылға келген қонақтарға көрсететін негізгі жәдігерлер қатарында.

Фото: Ерболат Шадрахов, Бекзат Сайназар