Арыстанбаб кесенесі – қазақ даласындағы ең көне ескерткіштер қатарына жатқызылады. Ол дәліз, мешіт, қабірхана, құжырахана және азан шақыратын мұнара секілді бірнеше бөлмеден тұрады.

Кесене Арыстан баб қайтыс болғаннан кейін XII ғасырда жай ғана мазар ретінде салынған. Бірақ әр кезеңдегі табиғи апаттар мен моңғол шапқыншылығы кезінде бірнеше рет қиратылады. XIV ғасырда мазар Әмір Темірдің бұйрығымен қайта тұрғызылып, аумағы кеңейеді. Бүгінгі күні бұл тарихи ескерткіштен тек қашалған ағаш бағаналар ғана қалған.

Қазіргі кезде Арыстанбаб мазарының үстінде толықтай күйдірілген кірпіштен қаланған, биіктігі 12, жалпы аумағы 35х12 метрге тең кесене тұр.

Бұл кесене дәл қазіргі уақытта Орталық Азия мұсылмандарының тағзым етер қасиетті орындары қатарында.

Ғимараттың соңғы үлгідегі нұсқасы 1971 жылы қалыптасты.

Фото: Ерболат Шадрахов