Crocuta crocuta немесе гиена – Африкада өмір сүретін бурыл, жолақ және теңбіл қорқау қасқырлардың ортақ атауы. Тері қабаты мен шығарған дауысына байланысты оларды «күлегеш қорқау», «теңбіл шибөрі» деп те атайды.

Аты затына сай келетін бұл сүтқоректі “бетімен кеткен” қорқақ жыртқыш. Қарсыласының күшті екенін біле тұра олар тәуекелге барып, орайы келсе аң патшасына да шабады. Қорек іздеген гиена үйірінің жападан-жалғыз дала кезіп, қартайған арыстанды талап, мысықтектестің түгін қалдырмай жеп қойған кездер де көптеп кездеседі.

Әдетте олар қорегін түнгі уақытта аулайды. Гиена асқазаны тамақ талдамайды. Сүйек, қыл барлығын қорытады. Ең сорақысы қорқаулар жемтігін тірі кезінде паршалай бастап, жей береді.

Қорқаудың басы үлкен, мойны жуан, құлақтары жалпақ, терісі қалың болады. Денесінің ұзындығы – 1,3 м, биіктігі – 60 – 80 см, салмағы – 50 – 90 келі. Жасы ұлғая келе жүнінің түсі оңып, дауысы жуандай бастайды. Олардың жақ сүйегі сүтқоректілер арасында ең күшті болып келеді. Жақтарының қысымы 1 шаршы сантиметрге 70 келіні құрайды. Бұл арыстан, жолбарыс, аю көрсеткіштерінен де асып түседі. Қасқырдың бұл түрі саванналар мен жайылымдарда, шөлейттерде, биіктігі төрт мың метрге дейінгі тауларда тіршілік етеді.