Қарт Каспидің жағалауында орналасқан Баутин порты өзінің әмбебаптығымен ерекшеленеді. Бұл портта түрлі мақсатта пайдаланылатын кемелер, катерлер мен қайықтар саны 200-ден асады.

Порттан мұнай саласына қажетті құрал-жабдықтар тасымалданып, балық және ауыл шаруашылық өнімдері экспортқа жол тартады, сондай-ақ, ішінара шекара күзеті өкілдерін де кездестіруге болады.

Баутин ауылы – Форт-Шевченко қаласының солтүстік-батысына қарай төрт, ал облыс орталығы Ақтау қаласынан 144 шақырым қашықтықта орналасқан.

Порттың іргетасы 1849 жылы Николаевск станциясы ретінде қаланған. 1922 жылы Маңғыстау уезінің екінші партия конференциясының өкімімен А.Е.Баутиннің есімімен ауыстырылды. Жер аумағы 1096,7 га. Халық саны 4538 адам.

Фото: Ерболат Шадрахов