Қарқаралы тауларының бөктерінде өсіп тұрған мына қарағай жаңа жыл қарсаңында адам қолымен арнайы безендірілген шыршаға ұқсайды. Қырауға айналған тоңазыған дымқыл ауа ағашты шырмап, оның әсемдігін арттырып, көркемдігін келістіріп тұрғандай.

Қырау ағаш бұтақтарынан бөлек топырақтың беткі қабаты, қурай таяқшалары, электр желілері және жан-жануардың сыртқы түгіне де қона береді.

Әдетте қырау кристалдары алтыбұрышты призмаға ұқсаса, қатты аязда ұзынша ине тәріздес болып шыға келеді.

Фото: Ерболат Шадрахов