Астананың туған күні 1998-2006 жылдар аралығында 10 маусымда тойланып келген болса, 2006 жылдан бері 6 шілде де аталып өтіледі.
Жалпы, Астана күнін мемлекеттік мереке деп жариялаудың тарихи, танымдық, тәрбиелік тұрғыдан мәні айрықша зор. Елорданы Алматыдан Ақмолаға көшіру – бұл қазақтың өз қолы өз аузына жеткенін ғана емес, ұлттың болмыс-бітімін сақтап, мемлекеттің келешегін кемелдету мақсатында жасаған ауқымды шарасы екенін білдірсе керек. Ал танымдық тұрғысын сөз ететін болсақ, елордамызды көшіру арқылы біз тәуелсіздігімізді нығайттық, өлгенімізді тірілтіп, өшкенімізді жаңғыртқандай болдық.
Одан бөлек тамыры сан мыңдаған жылдардан сыр шертетін тарихымызды біле бастадық, төл мәдениетімізді таныдық, ұмыт бола бастаған әдет-ғұрып, салт-дәстүріміздің қайнар бұлағын қайта ашуға мүмкіндік алдық.
Сондықтан Елордамыз бүгінде Тәуелсіздігіміздің тірегіне, экономикамыздың жүрегіне айналып отыр.
Туған күнің құтты болсын АСТАНА!
Фото: Ерболат Шадрахов, Максим Золотухин, Бекзат Сайназар
