Өзгепланеталық пейзаждар мен шотланд вискиі арасында қандай байланыс бар? Бокал ішіне үңілейік…
Ыдыс-аяқ жуу фотограф Эрни Баттонның шабытын оятып, сиқырлы әлемді ашуына себеп болды. Вискидің босаған бокалын ыдыс жуатын машинаға салып жатып, бокалдың түбіндегі буланған алкогольдің жұқа қалдық қабығына көзі түсіп кетеді. Бұл Шотландияда еменнен жасалған бөшкеде үш жылдан астам уақыт сақталған виски еді. Ішімдіктің соңғы тамшысы құрғағанда вискидің дистилляты артында шөгінді қалды. Баттон бокалды студияға әкеліп, бүйіріне жатқызып, суретке түсіріп алды.
Вискидің шөгіндісі қар түйіршіктеріне ұқсайды және әрқайсысы бірегей дизайнымен ерекшеленеді. Басында ақшыл сұр түсте келген олардың барлығы түрлі түсті шам жарығы түскенде өзгеріп, жолақ пен иірімдер тіріліп, планета мен айлардың көзтартар пейзаждары шыға келді. Көптеген талпыныс пен сәтсіз сынақтардан кейін Баттон тек шотланд вискиі ғана жеткілікті шөгінді қалдыратынын анықтады.
Вискидің шөгіндісі қар түйіршіктеріне ұқсайды және әрқайсысы бірегей дизайнымен ерекшеленеді. Басында ақшыл сұр түсте келген олардың барлығы түрлі түсті шам жарығы түскенде өзгеріп, жолақ пен иірімдер тіріліп, планета мен айлардың көзтартар пейзаждары шыға келді. Көптеген талпыныс пен сәтсіз сынақтардан кейін Баттон тек шотланд вискиі ғана жеткілікті шөгінді қалдыратынын анықтады.
Ішімдік суреттерінен бұрын ол таңғы асқа арналған сұлы ботқасы қораптарынан пейзаждар құрап, азық-түлік дүкендеріндегі тиынмен істейтін автомат-ойыншықтардың жоғалып кетуі жөнінде хроникалық кадрлар түсірген болатын. Баттонның еңбегі алысқа кетпей-ақ, тіпті жуылмаған ыдыстың өзінен кереметті табуға болатынын дәлелдейді.
Авторы: Даниэль Стоун, фото: Эрни Баттон
