Ұлытау – қазақ халқының киелі жерлерінің бірі. Деректерге қарасақ, онда хандардың атасы – Жошының, Алаша ханның кесенелері, Едіге мен Тоқтамыстың сүйектері жатыр. Ұлытау өңірі тарихи таңбалы тастарымен де қазақ халқының жүрегінен ерекше орын алады. Солардың бірі – Қарағанды облысы Ұлытау ауданындағы Байқоңыр өзенінің алабы. Мұндағы қара тасқа қашалып жазылған тарихи таңбалар әлі де жете зерделенбей құпиясын қойнында сақтап жатқандай.

Ерболат Шадрахов суреті