Мьянма
Янгон қаласының шетіндегі кірпіш зауыт маңында құндақтаулы нәресте қолдан тоқылған аспалы торда тербеліп жатыр. Сәбидің анасы кірпіш күйдіретін пеште жұмыс істеп, тиісті ақысын алады. Көптеген отбасылар осында жатып жұмыс істейді.
ФОТО: СОУ ЗИЯ ТАН, РЕЙТЕР
Түркия
Битлис провинциясындағы мына сайдың шаңы бұрқырап жатыр. Шопандар қойларын Немрут тауындағы жайылымға қарай айдап барады. Түркияның шығысындағы осы бір климаты қатал, егістікке жарамсыз аймақ мал шаруашылығына тікелей тәуелді.
ФОТО: АБДУЛЛА МЕТИН
Құрама Штаттар
Аризонаның РедРок таулы аймағындағы Сонора шөлінде найзағай жарқылдап, кемпірқосақпен үйлесім тауып тұр. Тортолита тауларымен бірге Аризонаның осы бөлігіндегі бірнеше тау сілемдері күннің күркіреп, найзағайдың ойнауына себеп болады.
ФОТО: ДЖЕК ДИКИНГА, ТАБИҒАТ СУРЕТТЕРІ КІТАПХАНАСЫ
