Қазақ халқы қасқырдың аталығын арлан дейді. ҚР Қарулы күштерінің сапындағы ең айбынды ауыр техникалардың біріне өжеттілік пен жауынгерліктің символына баланатын осынау киелі жануардың аты берілген. АРЛАН – оңт.африкалық «Marauder» әскери машинасының базасында Қазақстанның ауа райы мен жер бедері жағдайына лайықталып жасалған сауытты машина. Қалалы, далалы аймақтарда ұрыс салуға бірдей қабілетті. Шанақ сауыты бірнеше қабаттан тұрады. ҚР Қорғаныс министрлігінің «Шығыс» өңірлік қолбасшылығына қарасты 44736 әскери бөлімінде НАТО талаптары бойынша өткен сынақта АРЛАННЫҢ алдыңғы және қаптал шынылары 12,7 мм калибрлі тура атылған оқтарға тойтарыс беріп, мінсіздігін дәлелдеді.